هلموا لتعبروا عن رأيكم

NewsModerator عدد الرسائل : 16 تاريخ التسجيل : 17/02/2008

بسم الله الرحمن الرحيم

أولا : انا عاوزه بجد اشكر ادارة المنتدى على اهتمامها باقتراحى واستجابتها السريعه جدااااا ليه

ثانيا :أحب أستهل حياتنا السياسية على المنتدى واللى تعتبر -من المفترض يعنى- جزء لا يتجزأ عن واقعنا اليومى بسؤال ممكن يقدر يخلينا نفهم دماغ بعض ونعبر بيه شويه عن رأينا اتجاه اللى بيحصل حوالينا وهو ايه تصوركم حيال اللى بيحصل سواء فى مصرنا المحروسه أو عالمنا العربى أو العالم بشكل عام ؟؟؟ وهل حد فكر فى حل لأى مشكلة من اللى بنواجهها أو بدأ فعلا ؟؟؟؟!!!!

واسمحولى أبدأ بنفسى ... من أول ما بدأ التصعيد الرهيب ده على غزه وأنا مكتئبه جداااا لدرجة ان الاكتئاب ده استمر أكتر من أسبوع ..... أكيد كلكم شفتوا صور الشهداء فى الفتره دى وأكيد كمان لاحظتوا ان معظمهم أطفال تترواح اعمارهم من يومين الى 13 سنه ... ما تتخيلوش حالة بباهم ومامتهم وهما بيحكوا ازاى كانوا بيشوفوا ولادهم بتموت قدامهم ومش قادرين يعملوا حاجه..... كنت كل ما اتخيل انى مكان حد منهم أو بشوف أهلى بيموتوا قدامى والاعداد الغفيره دى من العرب والمسلمين بيتفرجوا ده اذا ما كانوش بيشاركوا فى قتلهم بسلبيتهم واستكانتهم أصلا أقول احنا ليه بيحصل لينا كده؟؟؟ وليه ما فيش حد بيتحرك؟؟؟؟ وهانفضل كده لغاية امتى؟؟؟؟ وكل لما ابص حوليا على اللى المفترض انهم خير أجناد الارض يجيلى خيبة امل فظيعه من الحال اللى وصلوا ليه على الرغم من وجود قلة قليله ألمح فيها بارقة أمل ..... حسيت انى عاوزه اعمل لهم اى حاجه ايه هى مش عارفه لسه ...... عاوزه أكون معاهم ...أكيد الموضوع هايختلف جدا لما نبقى جنبهم عن اننا نردد مجرد شعارات واحنا فى مكاننا...وطبعا معظم اللى على المنتدى مشاريع دكاتره يعنى هايبقى سهل بالنسبه لينا لما نخلص اننا نكون ضمن القوافل الطبيه اللى بتروح هناك.... أعتقد دى أقل حاجه ممكن نعملها....

فعلا بتمنى ان المنتدى ده يكون انطلاقه للتغيير على الاقل فى مفاهيمنا علشان نقابل ربنا وضميرنا مستريح اننا حاولنا نعمل حاجه queen

إن شاء الله

وشكرا على التلميح للي بيحصل بغزة اللي للأسف معظمنا نساه .... ربنا ينصرهم

والمفروض ان احنا نتغلب على اعدائنا داخلنا عشان نقدر نكمل ... ممكن نخلي جهادنا بطاعتنا لربنا في البداية

وشكر تاني للتذكير

NewsModerator عدد الرسائل : 16 تاريخ التسجيل : 17/02/2008

ميرسى جدا Mr Style على ردك وأنا معاك جدا فى اللى انت بتقوله فعلا النصر مش هايجى الا من خلال رجوعنا تانى لربنا وتمسكنا بدينا أكتر وبتخلصنا من ذنوبنا علشان ربنا يستجيب لدعائنا لانك أكيد عارف ان ربنا ما استجبش لدعاء سيدنا موسى لان كان فيه واحد من قومه كثير الذنوب ، تخيل بقى كام واحد لازم يتوب دلوقتى علشان ربنا يستجيب لينا!!!!!!
عموما ربنا يهدى أمتنا كلها وياحبذا لو بدأنا بنفسنا........ queen